【又自肥】借C AllStar過橋宣傳 193感觸《造星》三年後上紅館做嘉賓

2021-07-28 13:30

ERROR上周日為C AllStar演唱會擔任嘉賓，也是ERROR四子初次踏上紅館舞台，成員193（郭嘉駿）好有感觸，他在IG感性留言：「三年前嘅七月，全民造星40強止步，斷咗手又辭埋職，前路茫茫。邊有諗過三年後嘅193竟然可以咁淡定喺紅館表演，人生真係好奇妙，好多謝當初嘅郭嘉駿肯跳出comfort zone去追夢，希望我可以鼓勵到其他人勇敢地去做自己想做嘅事，因為人生真係充滿無限可能性。」

感性的背後，原來193早已安排「自肥」環節，為個人品牌宣傳：「就快出新products，大家快啲follow先啦。」品牌的火柴人公仔是由193親自設計，早前他更與口罩品牌合作推出特別版，秒速售罄。另外，C AllStar成員On仔（陳健安）也在IG多謝ERROR及頭場嘉賓林家謙：「Day 1林家謙，輪家謙好好玩，好好聽，🌬如風一般嘅和音，下次一齊唱《沒明日的恐懼》。Day 2 ERROR，死亡行星初體驗，好在我有操嘢💪🏻，我其實想唱埋《我們不碎》，下次等你哋兩個單位開紅館喇。」