【造星IV】阿Dee唔睇好女友 193叫花姐造馬讓妹妹入圍

ERROR今日在活動上透露將會每日輪流參與奧運節目，郭嘉駿（193）踢爆梁業（肥仔）因為要拍MV，而要兄弟頂足4日廠期，取笑他走紅後變得囂張，保錡即笑說：「我幫到你呀，我係香港攝時間之王，哈哈。」肥仔解釋因為要跟姜濤拍攝合唱歌MV，保證是香港這幾年未出現過的曲風，何啟華（阿Dee）即笑說：「教堂嗰啲呀？」193續說：「《愛是不保留》嗰啲呀？」眾人又即席合唱《主能夠》，笑爆全場！

談到妹妹郭嘉盈參選《全民造星IV》，193自爆有叫花姐造馬讓妹妹入圍，但估計阿妹未能成功。他說：「阿妹事前有同我講，我叫佢唔好搞咁多嘢，阿妹連Big4嘅工作都辭咗嚟參賽，可能佢唔知阿哥咁垃圾，做193阿妹冇用㗎，做魯暉個妹先有用，哈哈。不過已經有大品牌搵阿妹拍廣告，希望之後搵埋我啦」肥仔踢爆193曾著自己教阿妹跳舞，但認為應由「形體大師」193親自教授，笑問193會否教阿妹重現經典表演《大懶堂》或斷手？他笑說：「斷手就唔好喇，要使十幾萬㗎！」

阿Dee同樣認為女友文芊澄未能入圍，皆因今年競爭激烈，並笑說：「想叫花姐開隊『湊人數練習生』，起碼家屬都有啲謝禮呀。」193即謂若兩個家屬都未能入圍99強，阿Dee便辭職，但自己會繼續拍廣告。保錡又指肥仔有份為《造星IV》「選妃」，但只是「有位就坐」幫忙教跳舞，沒有生殺大權，認真抵死！