恨參加《造星IV》做女團 阿正拍《膠戰2》爆笑跳唱《前傳》
2021-08-02 20:30 
商台DJ阿正（黃正宜）憑在ViuTV綜藝《膠戰》的搞笑形象人氣急升，一向被封「痴女」的她在社交網上載跳舞片段，當時她在ViuTV錄影廠拍攝《膠戰2》並遇上《全民造星IV》等候區，即開心到唱跳《造星》主題曲《前傳》！阿正更興奮到拉埋其「家姐」、《膠戰》另一主持劉沛蘅（Hillary）表演，她表示：「家姐，我哋一齊組女團！《造星IV》等候區呀！」
Hillary似乎想阻止阿正：「咩呀？你要贏咗先可以做女團！」，不過阿正一於少理，只回答：「我哋以組合形式參賽啦！」之後繼續跳唱。無奈的Hillary笑住走開，她事後留言：「我唔係唔想同你玩，係知道我贏你唔到所以直接放棄。」《造星III》參賽者旨呈就笑指她有「十強質素」，一眾網民都表示阿正可以攞冠軍，以女團出道！
關鍵字
最新回應