【撩女SP傳聞冇提過】IG回應舊愛偷食指控 Edan唔澄清過去感情事

MIRROR成員呂爵安（Edan）近日捲入出軌風波，他剛在社交網開腔回應：「知道有關自己嘅事情被討論中，私人同過去嘅感情事，我認為我唔應該作出任何澄清或回應，因為我唔希望會影響任何人。希望大家畀多啲空間事件中嘅人，停止對佢（or佢哋）嘅騷擾。我自己亦會繼續專注喺我嘅工作上，感謝大家。」Edan發文附上合十及鞠躬Emoji，言詞懇切，但對有網友公開疑似其IG ACCOUNT撩女SP截圖就未有任何回應。