趙學而自稱婆婆唔怕老 小儀狼虎之年無懼同森美囡囡爭Edan
2021-05-20 18:25 
ViuTV節目《中女唔易做》周一（24日）首播，小儀、趙學而、楊思琦、康子妮、杜如風及朱薰今日現身宣傳。小儀及學而都指不擔心與《中佬唔易做》有比較，一來男女不同，二來她們會與素人一起打工。二人又自稱是圈中最貼地的中女，學而笑說：「我食人間煙火㗎！」小儀即加把口：「我都有睇花火㗎！」學而又道：「我最醒！早幾年已經叫大家稱呼我做婆婆，提早調整心情。」
小儀則說成為中女後，心態與年輕時不同：「如果我廿幾歲見到Edan（MIRROR成員呂爵安）唔會夠膽撲埋去！而家Anytime都狼虎之年㗎，哈哈！」對於森美女兒Charisse與她爭「女婿安」，小儀踢爆：「演唱會燈牌都係我準備畀森美，有更多人鐘意Edan係開心事！」笑指「情敵」僅得14歲？小儀笑言未驚過：「咁又點呀？細路女無知呀！我有經驗可以教Edan喎！（有冇問Edan揀邊個？）唔敢問呀！驚佢兩個都唔揀。」
學而亦有欣賞MIRROR演唱會，她大讚12子各有特色：「MIRROR嘅表演連前輩都未必做到，唔好一味批評，要學識欣賞。」杜如風則透露5年沒穿高跟鞋，感覺不習慣所以走路左搖右擺。她在記者會期間更索性坐下，笑言回家要棄掉所有高跟鞋，省回一大筆錢。
關鍵字
最新回應