搵林子祥拍MV飾演老年自己 林德信約老竇食咗四次飯慢慢0氹

林德信（Alex）日前接受開電視專訪，大談用三年時間炮製新歌《愛沒有理由》的感受。Alex找來父親林子祥客串演出MV，他坦言：「當初導演及團隊提出搵Daddy的時候，我有少少抗拒，因為都擔心人哋嘅睇法！構思MV男主角要變老，雖然化妝師話可以幫我化老妝，但拍攝時間就要長啲！之後佢哋又話不如嘗試搵演員，搵一個似我老咗嘅樣，但又擔心搵唔到合適嘅人，後來都係覺得搵Daddy客串最合理！」

Alex笑言爸爸也不是一口答應：「我都用咗好長時間同Daddy傾，哈哈！嗰陣我約佢食咗三、四次飯，每次同佢傾少少，話自己現在是獨立歌手，最近寫了首歌，要慢慢一步一步嚟，慶幸每次佢都理解到成個構思！經過幾次傾談之後，我才正式問Daddy可唔可以參與演出MV！」