未經批准Po強吻妹妹照玩命 Edan小儀過「520」Dixon做煙幕

2021-05-21 11:00

不少藝人都趁昨日「520」出Post，MIRROR成員Edan（呂爵安）就在IG上載與媽媽及妹妹的合照！他留言：「520快樂❤️為大家送上：強吻啊（呀）妹成功，然後被秒速嫌棄。 #大膽啊（呀）哥今次出哩（呢）張冇問佢😎 #希望唔會比（俾）佢鬧😆 #平時就係咁嫌棄我 #希望下個演唱會爵爸可以到場睇🥳 #ilovemyfamily❤️」，雖然妹妹即刻避開，不過Edan都成功錫到一啖。Edan再表示：「P.s. 啱啱返到屋企原來佢瞓咗，留名睇佢聽朝咩反應😎😎😆😆 #爵安一直在玩命」，後續記得再出Post交代呀！

原來「520」當日Edan係同「正印」爵屎（Edan粉絲專稱）小儀度過，小儀在IG公開二人合照，同場仲有《考有Feel》另一拍檔黃奕晨（Dixon）。Edan冧爆回覆：「520緊（梗）係同正印過😎😎😎」，但「女婿安」依然唔透露揀小儀定森美囡囡；Dixon則表示：「我嘅職責係做煙幕😏」，第二張合照先有得入鏡，一眾網友都戥他慘慘豬。