同盧慧敏前後腳出活動避歌迷陳卓賢仍介意MIRROR演唱會冇份騷肌

2021-05-21 00:44

Ian和盧慧敏喺品牌活動上玩前後腳現身，但分別接受訪問講到擇偶條件時，異口同聲表示喜歡陽光少男少女。

MIRROR成員Ian（陳卓賢）和盧慧敏（Amy Lo）拍劇擦出愛火，二人在昨日「520我愛你」情侶檔出席品牌活動，但礙於有大批fans到場應援，Ian又突然玩避忌，刻意和女友前後腳現身。同場還有Anson Kong（江𤒹生）、李佳芯、ANSONBEAN、張進翹（Manson）、趙祥誠（Ben）等。對於隊友Lokman(楊樂文)、Anson Kong(江𤒹生)、Frankie(陳瑞輝)、Alton(王智德)及Tiger(邱傲然）喺MIRROR演唱會中騷肌，勁歌熱舞成為焦點，而Ian喺演唱會過後，在社交平台上載一張半裸上身晒六嚿結實腹肌照，留言：「其實我真係好想可以參與到佢地依part，我諗係今次concert最大嘅遺憾...」原來至今他仍耿耿於懷，Ian在活動上再提到上次處男演唱會中要收埋騷肌，係因為監製及導演望各團員的表演環節平均些，他希望下次演唱會有機會騷肌。Ian又透露接受女士們健康性感，例如穿運動型的yoga pants和sports bra。

跟男友前後腳的Amy Lo平時鍾意戶外活動，Scuba Diving、Snorkeling等，穿著一件頭泳衣不易走光，但只曬太陽的話就會穿比堅尼，坦言鍾意健康的陽光男仔，但太大隻反而有啲驚。