【雙喜臨門】結婚1個月晒超聲波圖　莊韻澄：我要當媽媽了

現年39歲的莊韻澄（前名莊端兒，Xenia）上月閃嫁男友兼經理人呂成忠（Joe），早前接受《頭條日報》訪問時，新婚未夠一個月的Xenia已表明疫情關係冇嘢做，所以同老公喺屋企開行Turbo「造人」，仲話：「有就出年生架喇！（求秘方？）都有，身邊都多朋友講，例如食乜、計日子之類。（想要仔定女？）我覺得一個起兩個止，我同老公都鍾意女，如果生咗個女就可以唔使生。」殊不知眨吓眼，今日Xenia就喺社交網貼出超聲波圖，以及側身輕微凸肚照，公布喜訊，她寫道：「懷著感恩又興奮的心情❤️，要跟大家宣佈我要當媽媽了。」未知今胎係咪女呢？

消息公布後，眾圈中好友張彥博、張建聲、張繼聰等紛紛留言送上祝福，好姊妹鄧詠雪就於IG Story興奮表示難以置信，又話：「我要當乾媽！」擁35E巨乳的Xenia即爆笑覆上圍僅32A的鄧詠雪：「來吧！我不介意你當埋奶媽。」