【恨做星媽】網上開頻道母女檔教煮食  黎燕珊挖空心思𠱁索女入行

黎燕珊和黃婉曼等今日到銅鑼灣出席新店開幕活動，對於航空業最近陸續出現裁員潮，黎燕珊(Eva) 女兒劉詠詩都係空中服務員，黎燕珊坦言很多親友也致電關心問候她的女兒，還幸囡囡冇被裁，不過，每個月只飛得一次，收入大減，相對多咗時間喺屋企，阿珊正打算開網上頻道教煮食，由女兒負責煮餸，她與嘉賓對談。

 

黎燕珊承認想拉阿女入：「過往帶囡囡出席公開活動，都係想帶佢入行，不過阿女唔想，呢次我乘機再試試，用另一種方式帶佢入行。」