【提早過聖誕】陳茵媺同囡囡整冬甩 劉嘉玲精心佈置屋企
2020-12-14 22:00 
雖然還有11日才到聖誕節，不過節日氣氛又點會嫌多，唔少藝人都已經開始用自己的方法慶祝。陳茵媺（Aimee）昨日就和4歲囡囡Camilla一齊整嘢食，受加拿大連鎖咖啡店「Tim Hortons」的球形迷你冬甩「Timbits」啓發，兩母女一於炮製自家肉桂味Timbits。配上聖誕樹作背景，同埋Camilla認真整Timbits嘅樣，真係媲美咖啡店成品。美味又吸睛嘅Timbits引來不少留言，有人就問Aimee係咪好掛住「Tim Hortons」嘅真正Timbits，而Aimee亦大方承認，疫情冇得返加拿大，開始思鄉嘞。
另一邊廂，劉嘉玲亦Post出與家中聖誕樹的合照，她一身靚靚休閒造型，頭上的酒紅色帽超有節日氣氛。聖誕樹下有不少禮物盒同紙袋，又掛滿不同裝飾，而且都唔細棵㗎，嘉玲姐舉高手都未掂到個頂。不過張張都係獨照，令一眾網友紛紛問梁朝偉喺邊，睇嚟大家都好想睇佢哋晒恩愛。
關鍵字
最新回應