新婚生活有幾Sweet？何雁詩自爆放屁遭鄭俊弘嫌棄

剛新婚的何雁詩（Stephanie）日前接受網媒《後台》訪問，宣傳新歌《基本戀愛套路》，自爆與丈夫鄭俊弘新婚生活：「其實我哋日常生活同MV都有50%相似，我有時都會用口氣叫醒佢、唔介意喺佢面前放屁，但佢嘅反應就冇MV度咁Sweet，好似啲腳趾係度撩嚟撩去、放屁，真實嘅佢會嫌煩囉！呢首歌嘅概念都係想寫平凡生活，但我哋日常嘅生活已經好圓滿。」

Stephanie更謂老公義務幫手拍MV，令她非常感動。她亦自爆後台「瘀事」，被封為「一廠PK王」：「當年拍《超級巨聲》我好心幫手其他歌手攞啲外套，點知自己唔小心跌咗落舞台同評判台中間，嚇到成間廠啲人好緊張，我為免尷尬，好似體操選手咁跳番上嚟，最終被人封為『一廠PK王』。」