鄭俊弘娶妻咀不停 何雁詩超粗龍鳳鈪行頭十足

何雁詩（Stephanie）跟鄭俊弘（Fred）的大日子今日終於到來，一對新人穿上裙褂，由新郎哥親自駕駛名車抵舉行婚禮的酒店，於兄弟姊妹團相伴下亮相。Fred亦有求必應，應記者要求多次親吻愛妻，甜蜜溫馨。

新娘子Stephanie行頭十足，兩手戴幾對超粗龍鳳鈪、金豬頸鏈、金鏈以及3隻鑽石戒指。兄弟姊妹團亦相當強勁，包括張頴康、張子丰、陳瀅、蔡思貝、賴慰玲、吳嘉熙及陳嘉寶。

談到早上接新娘情況，Fred坦言預算自己會感動落淚，但估不到玩遊戲時已禁不住眼濕濕。Stephanie笑說：「估唔到佢會快過我。」Fred表示整個婚禮進行得非常順利，確實有擔心過打風影響，感激天公造美。談到姊妹大爆開門利是有8位數（以千萬計）？Fred笑說：「係節目效果嚟，預先做咗一張大支票。」Stephanie笑笑說：「Fred預先同姊妹傾好，係一個好得體嘅數目，姊妹們都滿意。」

至於愛的宣言，Stephanie自爆Fred的宣言是她撰寫，驚喜位就是Fred臨場發揮。她笑說：「互相廝守，佢要長命過我。」