網上節目暢談閨房事　林秀怡張惠雅勁Open玩Condom

現年29歲的林秀怡於早年入行，曾為養家於網上售賣避孕套，直至3年前跟友人合資開餐廳，開始「脫貧」的她今年仲開埋美容院，又成功上車置業！而去年傳遭無綫「雪藏」的秀怡，日前亦於IG公開新劇造型照，正式「解凍」，雖然事業見曙光，但她卻「重操故業」Sell性商品！

近日，秀怡跟張惠雅（Regen）為網上節目《少女30》擔任主持，在前晚（10日）播出的第一集就以「姊妹們房事不能輕視」為主題，向大家介紹女性私處潔膚液、避孕套等，他們更即場「開封」親試Condom，Regen一邊用手捽一邊說：「真係薄到Feel到自己啲手指模。」隨後秀怡索性將手指套進Condom中，不慎翻轉戴的她還說：「唔好意思，好少幫人戴。」語畢仲開始拉扯示範「dom
dom」的彈力，Regen就笑稱產品不油「立」，攞嚟搽面都得，認真Open！之後Regen又自爆曾因伴侶用過期避孕套，而令其私處不適。

節目中，自稱「乜都講得」的兩女又自爆曾患尿道炎，Regen更因無視發炎而轉化成腎炎，她說：「嗰時唔知係出騷要忍尿，抑或男友污糟、佢好激烈定點樣，我記得嗰時好辛苦，因為女性嗰度發炎係好痕，冇理由喺街度𢱑㗎嘛！不過未必係呢啲原因嘅，亦都可能因為你着得牛仔褲多，或者底褲厚得濟、成日用護墊，抵抗力差啲會……」在旁的秀怡聞言竟提議去枱邊磨一磨，講到私處味道時，她更表示食蘑菇會發出異味，相反食菠蘿會散發陣陣香氣，又笑謂：「我哋下次直播前，你食一個月蘑菇，我食一個月菠蘿，跟住互聞。」Regen也愕然表示想不到對方有此「癖好」。