喜跟連詩雅二人世界打機 陳家樂祝福余香凝周六出嫁

陳家樂和謝嘉怡出席商場舉行的聖誕活動，自稱「遊戲王」的家樂即場玩夾公仔、不過就要玩4次才中，笑謂：「幾驚『遊戲王』個朵會被褫奪呀！其實係我自封，本身玩遊戲亦唔算好叻，但好鍾意玩、並且會玩得好認真和好癲，所以參與好多遊戲節目，原本以為Kenny（關智斌）會係我玩遊戲嘅對手，不過佢始終有偶像包袱，愛靚多過玩，我就愛玩多過靚。」
今個聖誕節將是家樂和連詩雅拍拖後的首個聖誕節，家樂表示即將開拍新劇，拍攝預計至明年農曆新年前，横跨了聖誕和新年，因此未必可放假，如果有幸收早或放假，希望能與家人打邊爐或打機。笑問會否跟連詩雅二人世界打機？他稱也可，因對方打足球遊戲機好叻，不過玩煮食遊戲機更叻，但最終都是輸給他。
搞笑是問到真的敢贏女友？連講詩雅打機叻還是揀男友更叻？家樂即怕羞仔上身的一臉尷尬稱不懂回答，轉移話題為活動賣廣告，稱聖誕節很適合買公仔送人作禮物，身邊人會人人有份，一視同仁。笑指女友要攬他、所以無手攬公仔，他再怕羞道：「攬公仔『毛鬙鬙』舒服啲，攬我呢啲『骨杉杉』唔好。（攬真人有體溫有溫暖喎？）唔好啦！」此外，提到前度余香凝本周六結婚，家樂表示：「我衷心祝福和恭喜佢搵到一個可以行到尾的人。」