【婚照曝光】何雁詩露半球襯托簡約婚紗鄭俊弘帶狗影相視作一家人

2020-11-03 18:20

鄭俊弘(Fred)與何雁詩(Stephanie)共諧連理，婚照今日曝光，早前兩人已拍下婚照。新娘子身穿白色吊帶裙，款式相當簡約，不過就有半球、滑腿及香肩陪襯，令平凡婚紗變得更亮麗，連新郎哥Fred都忍唔住輕吻準嬌妻額頭，錫返啖先。另外，面對面嘅溫馨合照係唔少得嘅，Stephanie仲從後鉗住Fred擺甫士影相，唔理Fred以前點樣貪新忘舊，家陣代表經已被Stephanie私有化。

婚紗相另一個亮點係一對新人帶埋「家庭成員」兩隻愛犬嚟影相，之前報道過鄭俊弘以倒鈎狗鍊（即釘帶）拖住飼養嘅拉布拉多狗狗Riley，事件遭愛護動物人士狂轟涉虐待動物。Fred卻強調自己視牠為兒子和家人，訓犬師建議他用釘帶，影婚紗相都預埋愛犬，睇嚟真係「一家人」喎！

兩人於11月7日於沙田一間酒店戶外園林草地舉行結婚儀式，當日因場地有限，只會邀請約50親朋戚友出席見證，而兄弟姊妹團成員有陳瀅 (Jeannie)，陳嘉寶 (Anjaylia)，賴慰玲(Winki)，吳嘉熙(Cheronna)，蔡思貝 (Sisley)，張穎康，張子丰等。

另外，而待嫁新娘何雁詩昨日28歲生日，她趁未正式做人妻前來個「大解放」，在社交平台上載穿上泳衣的「影後」相，只見浴缸中佈滿玫瑰花瓣，又對正中環海濱美景，難怪她興奮得要「打卡」留念！何雁詩以英文留言指這次酒店Staycation是準老公鄭俊弘送給她嘅禮物，並上載二人在碼頭邊拍拖的合照放閃，又謂期待婚後的日子，心情靚爆！同時感謝閨密陳瀅送上的超正禮物，並感恩自己是一個被愛包圍的幸運女生。