【維港會】中大NA Can疫情下結業 學生不捨「名物」紅豆冰

中大8間書院餐廳不只是學生的珍貴回憶，便宜又好味的檸檬批、紅豆冰等「名物」，更是不少人到訪中大必嚐食品。不過受疫情打擊，以紅豆冰聞名的新亞書院學生餐廳（NA Can）將於本月底結束營運，令不少「老鬼」學生大呼不捨。

有網民在「CUHK Secrets」Facebook專頁指，NA Can做完今個月就結業，「紅豆冰呢啲下間接手都未必再整」，更不捨食堂的工作人員，「一直都覺得炒蛋經理，收銀呀姐，水吧嬸嬸都好好人，執咗笠之後有啲都退休唔再做，得閒就試下坐二號上山食下NA Can啦」。

而中大亦回覆傳媒證實消息，指NA Can過去一年受疫情影響，校內用膳的學生及教職員大減，長期入不敷支下決定結業。

消息一出即引來學生熱議，紛紛細數紅豆冰以外的經典美食，「老鬼接受唔到冇炸火腿芝士多士」、「作為老海鮮，覺得當年NA Can 個燒味飯都好掂」、「鄧經理靈魂炒蛋」。