【維港會】中電推社區支援計劃 莊偉茵冀帶動「內循環」

中電昨日公布推出總值1.6億元的多個社區支援計劃，當中8000萬元用作消費券計劃，向約80萬住戶、長者及劏房戶送贈$100消費券。可能有人覺得100蚊消費券數目唔算好大，中電企業發展總裁莊偉茵笑言，作為家庭主婦都會諗，100蚊可以買到乜嘢呢？例如3包1.5公斤米、10罐午餐肉、20個菠蘿包，或者一家兩口在茶餐廳食到4個早餐或者下午茶。　

莊偉茵指出，中電服務香港8成人口，希望可以用有限嘅資源，幫到最需要嘅人。今次中電用超過1.6億推出唔同嘅項目，唔單止幫到一啲特定群組，而係想帶動一個經濟循環圈，由巿民到餐廳食嘢、去鋪頭買嘢消費，幫到商戶有生意、員工有開工、供應商有人入貨，經濟如輪轉，經濟就會慢慢復甦。