【維港會】疑要求小學生每日帶隔板往返校園 家長斥校方「離地」

新冠疫情肆虐下，本港學校明日起恢復所有年級面授課程，不少學校都為學生做好防疫措施。不過有家長就在網上發帖指，孩子所讀學校在9月初發通告，需要學生每天帶隔板往返校園，「小學生喎，自己清潔消毒再放入書包？」

有家長在Facebook專頁「家長 Secrets」投稿，並上載學校通告，學校表示訂製了隔板，上課後會派發予每一位學生，學生每天須帶返學校使用，以阻擋進食時所噴出的飛沫或嘔吐物，減低傳播病毒的風險。有家長致電學校詢問詳情，校方就表明要學生自行清潔隔板，老師口頭答應指等待全日復課才會實行。投稿家長表示，「會唔會變成每日將人哋啲飛沫都帶埋返嚟？我要每日全書包連書連簿一起洗一次嗎？堅離地！」

有網民留言指，「日日攞晒啲菌番屋企，好唔衛生囉」、「目的都係想減校工工作量啫，不如叫小朋友自己清潔番啦，咁大家都舒服」、「不如話搬埋張枱返去自行清潔」、「當班小學生係中學生咁睇齊」、「帶出帶入仲多菌」。