冇見兩個月 杜德偉囝囝AJ興奮落樓接老竇
2020-09-01 16:21 
即使近月疫情反覆，杜德偉(Alex)為了工作，7月初仍要飛上海拍戲《射鵰英雄傳之九陰白骨爪》。出名疼愛囝囝的Alex，在內地工作時已表明好掛住囝囝AJ，更要不時睇囝囝的短片止癮。昨日杜德偉老婆Icy在AJ的社交平台上載了一段影片，內容是AJ迎接爸爸Alex回家，並以《爹哋終於返屋企❤️》為題留言:「
早幾日AJ問我：『我大個咗爹哋會唔會返嚟？』我答佢：『查實你爹哋星期日就返🙄😂』 （查實我有同佢講過）」暗指AJ冇好好記住媽媽講嘅嘢。
片中可見知道落樓接爸爸嘅小肥仔AJ心情興奮雀躍，搭電梯期間跳跳紥舉晒手，話晒兩個月冇見，杜德偉一落的士即攬住囝囝深情擁抱，場面溫馨。之後一家三口行去等電梯，因為Icy教導AJ要拎物件觸碰大堂按鈕保持衛生，減少感染疫風險，可見杜氏一家防疫意識相當高亦教導有方。最後AJ仲幫爸爸推行李，真係孝順又可愛。但片中Alex一直只攬住囝囝，冇提過老婆半句，唔知Icy會唔會呷囝囝醋呢?
關鍵字
最新回應