上山詩鈉56歲生日 杜德偉囝囝唱生日歌送Kiss賀契媽

今日係上山詩鈉56歲牛一，佢契仔杜德偉囝囝AJ好有心，今日凌晨已唱生日歌賀契媽，仲吹走手上紙碎製造喜慶氣氛，AJ有老竇唱得基因，唱歌幾好聽，留意到小朋友有對肥手手，勁得意。

唱完歌吹完紙，杜德偉老婆叫AJ錫吓契媽，小朋友就將個頭貼近鏡頭錫咗一吓，然後再鬼馬伸脷，上山詩鈉見到應該好冧。