屋企有貓又有狗 江美儀夢想帶愛犬去日本浸溫泉

2020-08-31 16:43
江美儀帶兩隻愛犬拍廣告,期待下次見埋兩隻貓貓。
江美儀帶兩隻愛犬拍廣告,期待下次見埋兩隻貓貓。

屋企有貓又有狗的江美儀連續第二年擔任紐西蘭天然貓狗糧品牌的代言人,今次兩隻愛犬Teddy及Tina同樣有份,美儀笑言自己「母憑子貴」,多得兩位小毛孩帶挈搵真銀,但講到尾願意續約,全因為兩隻愛犬轉食天然糧後健康轉好。

江美儀帶兩隻愛犬拍廣告,期待下次見埋兩隻貓貓。
江美儀帶兩隻愛犬拍廣告,期待下次見埋兩隻貓貓。
兩位小毛孩好乖望鏡頭。
兩位小毛孩好乖望鏡頭。

美儀說:「最明顯係妹妹,食咗一年,大隻咗好多,兩個毛髮亦比以前健康,唔好睇少佢哋個波波頭,冇豐厚、柔韌嘅毛髮,冇可能剪到,我都好樂意介紹畀身邊人,幫到人,又搵到錢,哈哈!」「狗奴」美儀自封購物狂,為拍攝今次廣告特別為愛犬準備了多套戰衣出鏡,「無辦法,阿媽鍾意shopping,屋企有一個大衣櫃放置Teddy同Tina嘅靚衫,其實阿仔唔鍾意着衫,今次拍攝過程冇扭計,算畀足面我。」提到愛犬拍攝的表現,美儀說:「其實我前一晚有跟Teddy同Tina講,第二日要拍廣告影相,一定要乖、要醒目、要笑,唔好失禮媽咪,拍攝當日早上,兩兄妹好積極,一早起身食早餐,準備出發時,妹妹更吠我,叫我快啲出門口。」

Teddy及Tina企定定影相。
Teddy及Tina企定定影相。
江美儀為愛犬慶祝生日。
江美儀為愛犬慶祝生日。

當日美儀兩隻愛犬相當乖巧,尤其拍攝硬照時,美儀總會在攝影師旁邊,手持零食吸引愛犬望鏡頭,令拍攝進度更加順利。視愛犬如己出的美儀最大心願,希望將來有機會帶住愛犬一家三口出國旅行。「我覺得人生係由好多快樂嘅回憶所組成,好希望其中一個回憶,係我跟兩隻狗狗去旅行,因為Teddy同Tina唔會陪到我終老,希望喺佢哋有生之年,能夠達成呢個心願,彼此感受呢份快樂!」

至於最想去邊?美儀不失幽默本色:「梗係去瑞士搵飄零燕啦,去埋巴黎鐵塔影張相,哈哈!但比較實際其實去日本,因為當地好多酒店都歡迎主人帶寵物入住,又可以一齊浸溫泉,又會安排寵物膳食,我相信我食少幾餐、買少幾個手袋、接多幾個廣告,待疫情過去,到時我應該有能力帶Teddy同Tina去日本吧!哈哈!」

江美儀近日養多咗一隻貓叫Tiffany,姐姐Tasha有妹妹陪佢玩嘞。
江美儀近日養多咗一隻貓叫Tiffany,姐姐Tasha有妹妹陪佢玩嘞。
關鍵字

最新回應

關鍵字

相關新聞

熱門文章