【關之琳睇到笑】2020年版《點解咁好笑》 杜德偉自編自導搞鬼變髮

七月初，杜德偉(Alex)飛去上海拍攝《射鵰英雄傳之九陰白骨爪》，好彩老婆跟埋去，有人陪唔使咁悶。今日佢唔使開工，佢話喺房冇嘢做，所以自編自導自演自拍自配自剪，題目係《33年後的點解咁好笑》(編按:《點解咁好笑》產自1988年，由杜德偉及林敏驄主持，以趣劇演繹日常生活的瑣碎事，讓觀眾開懷大笑。)

段片就係影住佢抹鏡，抹抺吓就變咗髮型，每次變髮型佢都嚇一嚇，最後佢仲嚇到走咗。做過搞笑節目嘅佢表情一流，嗰啲唔係呀嘛嘅表情做得特別好，對於佢呢個第一次處女下海，關之琳、周慧敏同方力申都睇到留笑笑Icon。