合作拍片教整綠茶甜品　陳凱琳想拜黃智賢為師學煮嘢

人妻陳凱琳（Grace）不時捉埋啲好姊妹去學整甜品，間中仲會親自焗蛋糕送俾好朋友，而製成品唔只見得吓人，更Fancy得直達「專業級水準」！近日，Grace就跟黃智賢（Ben）一起拍片教整「Matcha muffin」和「綠茶紅豆冰」，Ben表示：「原來我哋除咗拍劇，連烘焙都非常合拍！」Grace今日亦於IG轉載預告片，並留言：「第一次見到Ben喺IG煮嘢食嘅片段就好想拜佢為師，之前同老公（鄭嘉穎）去食飯已經見識過佢嘅廚藝⋯一個字：掂！所以好開心佢歡迎我嚟到『黃智賢快樂廚房』一齊玩！除咗我好鍾意食嘅甜品之外，佢仲教識我整網上出名嘅『400次』抹茶鮮奶！真係好creamy，好好味呀！大家如果有機會整我哋呢兩個recipe，記得#黃智賢快樂廚房 等我哋都睇到你嘅作品呀！」一眾網民及圈中好友唐詩詠、鍾嘉欣等都紛紛表示「好想食」！