着牛仔布和服拍写真　关智斌日本遇隐世高人

关智斌（Kenny）早前为写真集《寻蝶恋花》走访日本多个地方取景，包括东京、伊豆、大岛、大阪及冈山。去到最后一站冈山，当地最有名的就是造牛仔布，很多世界知名品牌都是用冈山的牛仔布造出来，故Kenny第一时间便挑选了牛仔布和服来穿，他说：「呢个系日本一个好出名嘅一个专系造Japanese Blue denim嘅地方嘅布嚟设计出呢套和服，只蓝色更加系呢度独有。呢个条纹喺和服嚟讲系几signature，有好多仔细嘅花纹喺呢个条纹之中，全部都系一针一线，再拼落牛仔布上，系传统工艺混合现代设计。」

拍毕和服照，Kenny便到当地一间专食牛的餐厅医肚，店内最特别的是全部牛肉风乾过，抽乾水份后再烧。在Kenny吃得津津有味时，其身后突然传来口琴声，更吹出他最喜欢的日本动画《新世纪福音战士》主题曲，听到自己喜欢的歌曲，Kenny即兴奋得手舞足蹈：「好开心，冇谂到喺冈山一间店铺入面会有一个隐世高人喺度，佢更加系连续三年拎咗全国嘅口琴冠军！佢知道我哋系香港嚟，特登款待我哋，除咗俾好嘢我哋食，更特登吹奏一曲，佢仲知道我锺意《EVA》喎。」