女神轉戰《姊妹淘》長腿陳詩欣鬥滑髀蔡嘉欣繼續派福利

2020-08-28 13:00

《3日2夜》一直係TVB其中一個王牌節目，可惜受新冠肺炎影響冇得飛，樣靚身材正嘅《3日2夜》女神唯有轉戰《姊妹淘》，惹火身材依然大派用場。噚日陳詩欣（Eunice）及蔡嘉欣(Kayan)分別喺IG大晒泳衣相，兩人拍緊《姊妹淘》時不忘派福利，吸引一班宅男粉絲心心眼，猛讚好靚！

現年27歲，擁有32C、23、33.5美好身材嘅「長腿小花」陳詩欣（Eunice），憑《3日2夜》節上位成功。雖然噚日上載嘅側身一件頭泳衣好密實，但45吋超級白滑長腿勁吸引，唔知有心定冇意，相中Cut走咗腳趾部份，她留言：「姊妹們最鍾意的無邊際泳池，打卡成功#夏日好去處#staycation#留意姊妹淘」Eunice使出長腿「殺手鐧」呢招冧暈一眾宅男粉絲，睇到流晒口水留言：「3點式呢？腳趾呢？」、「個個都唔着三點式，有冇理我地感受㗎~~~」、「求正面」。

至於身穿火紅色一件頭泳裝嘅蔡嘉欣，翹腳背向鏡頭，只騷滑背及髀位，她留言：「#姊妹淘今日又在搞什麼#唔記得帶防曬」網民即留言：「無防曬都唔變黑？」、「索女嘉欣何時何地，妳都咁fit」、「你搞了我流鼻血」、「靚大髀」！