星島日報

新歌自揭雙面性格 雷深如爆願意成為Play Boy獵物

2020-08-18 10:00
J. Arie接受主播許文軒訪問,介紹新歌《雙面哈菲》。
J. Arie接受主播許文軒訪問,介紹新歌《雙面哈菲》。

雷深如(J.Arie)日前作客TVB娛樂新聞台節目《StarTalk》,接受主播許文軒專訪,大談離開大型唱片公司後,轉型做獨立歌手感受。J.Arie說:「今次呢首歌《雙面哈菲》係畀林家棟激發而創作,自從7年前拍攝由佢監製嘅電影之後,同佢建立咗深厚關係,每次出歌都會畀佢聽,但每次都俾佢話我扮晒嘢,啲歌唔係最真實嘅我,係佢叫我拋開枷鎖,叫我唔好賣玉女形象,但我一直做唔到。直至到上年年尾我寫咗一本誠實豆沙包日記,寫咗裏面好多我自己嘅真實故事同歪理,我跳返出嚟睇裏面嘅內容,發覺自己真係有兩面,有啲精神病,所以創作《雙面哈菲》都可以話好真實。(日記裡面寫咗乜嘢咁歪理?)本日記唔可以畀其他人睇,太邪惡!裡面我寫過一句:我好願意成為PlayBoy嘅獵物!係咪好痴線呢!」

J.Arie為新歌MV落手落腳,「不論個MVConcept、剪片,甚至道具都係自己搵同親自搬過去拍攝場地,好似屋企有張舊床褥,係我自己抬過去Studio,裡面啲鐵架都係我自己噴顏色。」被問到MV題材大膽,她解釋:「構思同拍嗰時冇考量太多,個MV想有啲負面、驚慄片感覺,我俾咗我爸爸媽媽睇,嚇親佢哋,佢哋話好驚,問我使唔使咁癲,𠵱家要特登剪輯另外一個版本提供畀電視台播放!」

J. Arie接受主播許文軒訪問,介紹新歌《雙面哈菲》。
J. Arie接受主播許文軒訪問,介紹新歌《雙面哈菲》。

最新回應

關鍵字

相關新聞

熱門文章