新歌同製作人聯手寫送畀鄭俊弘　何雁詩：似我哋同佢示愛

日前何雁詩（Stephanie）作客TVB娛樂新聞台節目《StarTalk》，接受主播許文軒（Edmond）專訪，大談成為獨立歌手推出歌曲感受。她說：「因為我唔係自己作歌，搵人創作同編曲，令成本較大，計埋宣傳同拍MV，六位數字走唔甩，所以成日要計住計住，有時仲好尷尬，因為平時好少要同人直接講價錢減價。」

Stephanie表示期待與其他音樂人合作，而且自己亦有寫歌，她說：「年尾會推出一首同Cousin
Fung合作寫嘅歌，不過首歌係送畀Fred（鄭俊弘），變咗我同Cousin同阿Fred示愛。」問到準備好做人妻未？她說：「我覺得永遠都唔會Ready，但自己努力學習，我依家多咗時間去學煮嘢食，之前上美女廚房，畀阿Bob打沉咗，好大陰影，我覺得𠵱家進步咗，最拿手係整薄餅、咕嚕肉同粟米斑塊，Fred都話好食。」