樂●活｜飲得開懷

新派茶飲店1011 SIPTEA繼早前與《姆明谷》及《EVANGELION 新世紀福音戰士》合作推出各聯乘系列，最近聯乘經典 Barbie 娃娃推出特別企劃喺尖沙嘴美麗華店、銅鑼灣店及荃灣快閃店推出1011 SIPTEA x Barbie期間限定聯乘系列，帶來一系列少女心爆棚嘅粉紅色系餐飲及自家設計的時尚周邊。

Barbie可以話係美麗與時尚嘅化身，係唔少女士嘅兒時玩伴，更加係唔少人小時候嘅夢想與憧憬。今次1011 SIPTEA同Barbie聯手研發出粉色浪漫特飲、下午茶套餐及吐司供粉絲享用，並推出一系列粉色系嘅可愛周邊產品。兩款粉紅色系、充滿夢幻感覺嘅特飲，包括口感特別、甜入心的草莓爆珠梳打，以及口味清新、有淡淡花香嘅檸檬玫瑰花茶。期間限定店（荃灣店）將會獨家推出三層架下午茶套餐（兩位用），備有多款鹹甜美食，第一層有山羊芝士地中海蔬菜卷、三文魚細蔥卷、軟椒雞肉卷，以及芥茉熏牛肉卷；第二層有迷你五彩甜甜圈、迷你草莓夾心甜甜圈，以及長方形草莓芝士餅切件；第三層有草莓啫喱奶凍、迷你香蒜帕爾馬芝士瑪德蓮蛋糕，以及迷你普羅旺斯香草瑪德蓮蛋糕等甜點，隨套餐附送3隻讓人心心眼嘅Barbie少女風造型瓷碟。除了下午茶套餐，輕食之選就有草莓奶油吐司。

除了特色餐飲及美食，1011 SIPTEA x Barbie期間限定店亦有10款精美周邊產品，包括T-shirt、漁夫帽、斜孭袋、指甲貼、面膜等，每款都各有特色，既可着上身，又可作日常使用，時尚實用兼備。

奢華茶葉品牌Tea WG最近喺海港城開設新店，新店裝潢體現品牌風格採用大膽亮麗嘅色調，配搭高雅嘅鍍金鏡子、黃銅櫃檯、實木茶櫃及意大利大理石黃地板等設計。海港城店係香港首間Tea WG茗茶外賣概念店，並推出全港最多選擇的茗茶外賣。

Tea WG每一杯外賣茗茶均嚴格按照品牌標準，以一絲不苟的沖泡方法和特別過濾熱水，悉心製作出一杯醇香茗茶，並提供冷熱選擇。客人更可另外加購茶香馬卡龍和別緻茶香糕點作完美配搭。Tea WG外賣茗茶提供冷熱選澤，於11月1日起於海港城店推出。

為慶祝新店開幕，Tea WG更推出新店限定紅豆冰茶香馬卡龍，呢款充滿獨特香港風味嘅馬卡龍，與紅豆冰飲品呼應嘅兩層餡料是香濃紅豆蓉和注入了Tea WG魔幻時刻之茶的茶香忌廉；此黑茶帶柑橘水果及洋溢堅果風味的椰子尾韻。限量版紅豆冰茶香馬卡龍於11月1日至11月20日期間於Tea WG海港城店獨家發售，每日限量供應，除單件裝外，更有6、12或24件禮盒裝。

作者：Laurie Wu（愛保健愛旅遊愛購物的熟女）
[email protected]