樂●活｜市集的驚喜

行商場勝在一個地方就可以有齊吃喝玩樂，不過有時就會覺得有啲千篇一律，無乜驚喜。鍾意行市集就因為佢嘅多元，同埋好多時都會有唔同主題、檔主，所以每次去都有新體驗！

好似今日（10月18日）至周日（10月23日），樂施會喺中環街市舉辦「貧窮說．一起市集」期望喚起公眾對貧窮嘅關注，加入扶貧行列，邀請咗一班同樂施會扶貧嘅夥伴團體及基層街坊，將親手製作嘅手工藝品、環保產品、教育資源等帶到中環街市，讓大眾透過購買優質手工產品支持基層街坊和扶貧團體賺取收入，同時了解基層故事和樂施會的扶貧工作。市集主題「Together Empower!」，代表樂施會與夥伴團體一起結合力量，讓基層街坊展現才華與潛能。貧窮問題複雜而多樣，扶貧方式亦不只一種，一起為貧窮人建立面對逆境嘅能力，咁樣嘅扶貧效果才持久深遠。參加者到樂施會主攤位，可免費獲贈即場印製、自選圖案的收納袋。樂施會亦邀請了本港少數族裔婦女參與，凡星期六、日於「貧窮說．一起市集」消費滿$200，即日可免費體驗具祝福象徵的Henna手繪藝術（指定款式），名額有限，先到先得。 

鍾意美食同啤酒的話，就要留意糖廠街市集啤酒節！周四（ 10 月 20 日）至周六（ 10月22 日）聯乘 KIN Food Halls 舉行嘅「糖廠街市集 x KIN Food Halls：啤酒節2022」，雲集 14 個本地人氣手工啤酒品牌及其特色啤酒，讓大家可於3小時內盡情無限暢飲，以及配搭由 KIN Food Halls 多個名廚炮製嘅佐酒美食，展開一場啤酒美食之旅。

今年糖廠街市集啤酒節將進駐太古坊德宏大廈 2 樓 KIN Food Halls 舉行，並夥拍香港精釀啤酒協會，網羅 14 個本地啤酒品牌，每個品牌將提供5款啤酒：由酒體清澈的印度淡色愛爾啤酒（IPA） 、帶烘烤麥芽味及啤酒花香的英式愛爾啤酒（English Ale），到綿密幼滑、微苦帶甘兼富白酒及果香的皮爾森啤酒（Pilsner）。當然少不了口感清爽，以低溫發酵的拉格啤酒（Lager），以及其他經典啤酒及創意選擇，如香料味濃的泰式風味啤酒等。

同場還有由 KIN Food Halls 帶來環球美食之旅，從泰國、韓國、日本到意大利等地嘅菜式一應俱全，並採用再生農業嘅優質新鮮食材，炮製各式各樣嘅中西特色美饌，適合配搭多款由低或高酒精濃度到淡至濃風味的精釀啤酒，將美味昇華。多款精選配搭包括有 Blaze Beer Club 嘅大三元 XPA 配 OBP 嘅韓式炸雞、Deadman嘅Dirty Pale Ale 配 Axian's Selection檳城潮州炒粿條等。

另外，黑鳶啤酒廠與香港首間精釀蘋果酒廠螢果釀於是次啤酒節嘅聯乘、另外還有 Double Haven、H.K. Lovecraft、大圍啤酒廠、Brews Over Borders、火炭精釀、Heroes Beer Co.、少爺啤酒廠及 Tai-Pan Beer Co. 帶來多款特色啤酒。參與活動的知名餐廳還包括 Second Draft、Sake Central、Emmer、米芝蓮一星餐廳 Yardbird，還有EatDrinkMomo，大家可以一邊暢飲啤酒，一邊品嚐美食！ 

作者：Laurie Wu（愛保健愛旅遊愛購物的熟女）

 

[email protected]