樂●活｜古靈精怪Halloween

Trick or Treat！搞怪嘅裝飾、 精心設計造型扮鬼扮馬可以話係個萬聖節必備嘅準備！萬聖節不一定要驚嚇恐怖，古靈精怪充滿童趣可帶嚟另一番玩味。

Snoopy同Woodstock向來有唔少Fans，MOKO新世紀廣場即日至10月30日就有Snoopy Halloween 精品市集，換上萬聖節造型嘅Snoopy與好友足跡遍布MOKO 4大搞鬼打卡位，當中2米高嘅Snoopy抱住Woodstock等住同大家近距離互動兼打卡。場內亦設Snoopy期間限定店，有多款限定精品及從未在港販售的精美禮品可以帶返屋企。鍾意食嘅朋友，記住唔好錯MOKO聯乘山下菓子打造嘅Trick or Treat甜品限定店，獨家發售Snoopy主題嘅馬卡龍、意式奶凍和曲奇，同場仲有FOOD&STYLE國際美食市集售賣多款地道特色小食，同賀趣怪萬聖節。 

熱潮紅遍全球Pokémon將於11月推出全新遊戲作品《寶可夢 朱/紫》，到到時就會見到初始寶可夢 — 草屬性「新葉喵」、火屬性「呆火鱷」以及水屬性「潤水鴨」。今日萬聖節就先由皮卡丘率領 妙蛙種子、小火龍、傑尼龜、木木梟、火球鼠及水水獺由即日至10月31日喺香港黃金海岸同大家展開奇幻萬聖節派對。黃金海岸商場更已準備好一連串精彩活動，包括Pokémon萬聖節攤位遊戲、寶可夢集換式卡牌遊戲教學班等，同場更另設萬聖節市集，一起參加挑戰、一起捕捉Pokémon身影！準備好展現您淘氣、鬼馬的一面，盡情投入奇妙Pokémon派對！

至於又一城就有「驚喜探索哈囉Win」活動，於商場內各處布下古靈精怪南瓜陣。不給糖就搗蛋！由即日至10月31日期間，於UG層顧客服務處領取蓋印卡並按地圖指示勇闖又一城8個設計古靈精怪的南瓜陣關卡，集齊所有印章及即日以信用卡、扣賬卡、易辦事、銀聯卡或八達通卡於任何又一城商戶單一消費滿$100或以上，即可換領萬聖節特別禮品。 於活動期間到訪附有南瓜圖案的參與商戶將免費獲發糖果或小禮品，更有機會於商場各樓層遇上哈囉Win快閃甜心黨大派甜心糖果。在南瓜陣拍照打卡儲印章之外，又一城更安排可愛又搞鬼的Cosplayers於2022年10月29至31日盛裝登場，驚喜現身商埸各樓層跟大家見面拍照，嘻嘩鬼叫齊來歡渡萬聖節。

即日至11月13日D2 Place一期天台就有巨大化發光Jelly Pumpkin坐鎮！D2 Place吉祥物Jelly B被巨大化南瓜感染，分別變成Jelly Pumpkin、Jelly Pinky和Jelly Frank，它們藏身於D2 Place多個角落，陪大家共度萬聖節！此外，商場內更設一系列萬聖節活動及萬聖節主題裝飾，Jelly Pumpkin更會於晚上神秘魔法時間發光，為天台花園帶來不一樣的魔幻氣氛！

 

作者：Laurie Wu（愛保健愛旅遊愛購物的熟女）

[email protected]