樂●活｜可以着上身的NFT

創作源於人與人之間思想上的交流，最近發現設計及服裝平台AYES邀請咗12位本地藝術家聯同AYES自家品牌設計師Jacky，以NFT形式推行結合藝術同科技嘅計畫「WE」，建立獨特嘅本土文化及創作社區，並將作品推到國際讓大眾認識香港藝術文化，藉此提升數碼創作和藝術價值。

AYES特別喺社交平台Discord創立屬於「WE」嘅群組，令藝術家可以同一班愛好者可以透過喺虛擬世界中拉近距離，交流創作及分享心得同設計理念。AYES又會將NFT收益嘅25%用作資助本地設計師發展，幫助本地設計師推出不同類型嘅產品，及後更準備喺元宇宙開設虛擬商店，計畫與國際品牌聯乘合作，實行用藝術連繫全世界。

NFT計畫「WE」，由13位本地設計師畫出一幅大型圖畫，每位設計師共有2輪，每次24小時進行創作，最後會將圖畫獨立分割成100張NFT圖出售。成功搶先成為「WE」首100位OG，更可獲得下輪NFT圖像造型的決定權，原先100張NFT圖將衍生出5,000至6,000張唔同造型嘅作品，隨個人喜好創造出擁有個人風格嘅NFT。

當入手NFT後，就除了可以擁有藝術家獨一無二的虛擬藝術品，Ayes仲會將大家所購入嘅NFT圖案印製到實體T-Shirt，實行擁有能着上身嘅NFT，T-Shirt分別有超鬆身款、圓領款、V領款及口袋款4個款式，NFT圖將會以3個尺寸分別印於T-shirt背面、胸前或口袋位置，大部分圖案均包含2位藝術家的作品。有興趣嘅的話可以留意加入 YES - WE @Discord，取得白名單資格就有機會享有優先購買NFT以及AYES嘅優惠。

另外，由香港本土團隊一手設計鑄造嘅NFT HolyShxxt!! 推出揉合NFT與足球策略GameFi的遊戲平台《HolyShxxt!! Stadium》！HolyShxxt!! NFT嘅持有人將化身球會領隊（Manager）或球員經理人（Agent），與各地玩家嘅球員NFT合組足球勁旅，參與球賽，贏取獎金獎品。世界盃11月開鑼，團隊亦在虛擬世界舉辦「HolyShxxt!!區塊鏈世界盃2022」，於10月31日率先上演揭幕戰，玩家有機會獲得英超門票連旅費津貼或電子遊戲機PlayStation5。

 

首季賽事「HolyShxxt!!區塊鏈世界盃2022」將於10月31日至12月17日舉行。每名參與「HolyShxxt!!區塊鏈世界盃2022」嘅玩家將依名次及手上NFT球員嘅心理質素值（Mentality）賺取平台虛擬貨幣Key0Coin。而冠軍球會嘅球員經理人們則由其球員NFT代表參與大抽獎，有機會贏取終極大獎嘅英超賽事門票及旅費資助，總值$1萬，亦可選擇大熱遊戲機PlayStation 5連FIFA 2022遊戲；而二、三獎則是HolyShxxt!!的周邊藝術商品兩份，其餘每位經理人則會獲空投（airdrop）球員NFT，鼓勵勝出隊伍繼續投身HolyShxxt!!足球事業。

作者：Laurie Wu（愛保健愛旅遊愛購物的熟女）

[email protected]