樂●活｜由生活小節實踐環保

過去曾經覺得要實踐環保，好似好難，但隨住愈嚟愈多人重視如何實踐綠色生活，唔少品牌、組織都從各方面為大家帶來方便，讓綠色生活變得更為容易。

好似美贊臣營養品香港就與24小時網上購物商場HKTVmall及世界綠色組織合作開展嬰幼兒奶粉罐環保收集計劃第三階段，由6月15日至7月31日會喺全港18區推行大規模奶粉罐收集計劃，只需於日常購物期間，便可輕鬆把奶粉罐送到回收點，同時獲贈購物優惠碼，培養環保回收習慣，以實際行動締造美好的未來。  

新一階段嬰幼兒奶粉罐環保收集計劃由6月15日至7月31日分兩期進行，市民可於逢星期一及三的下午4點前，把已洗淨的嬰幼兒奶粉罐交到全港35間指定 HKTVmall O2O門市收集站，都可獲贈HKTVmall電子優惠碼，以作網上購物之用。第一期電子優惠碼派發日期為6月15日至27日，優惠碼有效期為6月15日至30日，而第二期電子優惠碼派發日期為6月28日至7月31日，優惠碼有效期為6月28日至8月3日。由6月15日至7月31日期間，每成功交回一個奶粉罐便可獲贈一張電子優惠碼，於HKTVmall美贊臣官方旗艦店購買指定產品滿$900減$300，每名市民每日最多只可換領4張電子優惠碼。

鍾意睇書嘅朋友，相信都會遇到屋企書櫃塞爆嘅問題，預期將啲書送去堆填區，或者廢紙回收，不如留意下係呀咪可以捐出二手書，參加社區漂書節2022。住喺港島東區嘅朋友可以留意，嚟緊星期六、日（6月18至19日）早上10時至下晝5時，可以將唔要嘅二手書筲箕灣愛信道30號綠在東區綠適主題館（紅色展館對面）嘅漂書箱。不過要留意嘅係，活動只係收集小說、散文、小品、烹飪書、手作書、園藝書、史地書籍、文化哲學書籍、漫畫及繪本，而且二手書本需要七至八成新、乾淨、齊全冇缺頁先可以符合收集嘅要。諗住拎書會去至於旅遊書籍（已出版3年以上）、流年運程、電腦書籍、專科書籍、免費書刊、宗教書籍、教科書及字典、雜誌及期刊、寫真集、意識不良書籍等都唔符合收集要求，千祈唔好拎錯！

 作者：Laurie Wu（愛保健愛旅遊愛購物的熟女）

[email protected]