樂●活｜工作坊輕鬆玩學新知識

約朋友除咗行街Shopping、食嘢打卡之外，總會有朋友提議不如去某某工作坊，由做蛋糕甜品，到飾物製作，仲有唔同嘅藝術工作坊，以及香水體驗等，包羅萬有。

好似之前就參加咗奇華工作坊（按此）、父親節期間限定嘅「巴斯克芝士蛋糕」課程，親手製作造型趣緻嘅「巴斯克芝士蛋糕」。喺導師嘅教導下，成功製作出外層焦香濃滑，內層鬆軟濕潤，仲有在蛋糕上繪畫鬍子、眼鏡等父親節特色造型巧克力嘅蛋糕上點綴，製作出雙重「芝」味嘅父親節蛋糕。除咗父親節限定嘅糕餅外，仲有迷你嫁喜禮餅班、迷你合桃酥及芝麻餅班、老婆餅及迷你皮蛋酥班等，讓大家可以學習如何製作傳統中式餅食。

花啲心思去留意，就會發現有唔少別具特色嘅工作坊，好似Mastercard最近就於恒生無價體驗預約平台（按此）為恒生優越理財World Mastercard客戶帶來分別於唯港薈及香港君悅酒店舉辦的蛋糕烘培課程和香檳與魚子醬搭配體驗。其中與唯港薈行政總廚何偉誠師傅會教點樣用日本水果和瑞士朱古力參加者親手製作小籠包點心造型蛋糕。每位學員將獲得迎賓飲品、證書、圍裙、環保袋及菜譜，並可選擇於課程後將自製的蛋糕帶走與摯愛親朋一起品嚐。

鍾情飲香檳嘅朋友，當然唔可以錯過去香港君悅酒店大堂香檳吧，跟侍酒師Maxime Duval學藝，認識每種香檳嘅特點，參加嘅學員更可享受3款優質香檳和30克精美的Oscietra魚子醬，以美酒佳餚渡過一個奢華嘅夜晚。每位參與的客戶更將於活動結束後獲贈一份巧克力禮。

 另外，KKday亦有唔少工作坊可以報名參加，唔少更加可以係2至3人就可以包堂開班！近年永生花大熱，只要花2個鐘頭時間參加永生花乾花蠟燭台 DIY工作坊（按此），就可用來自日本及中國嘅花製成的保鮮花及乾花製作獨一無二嘅燭台。

同樣都係用兩個鐘時間，仲可以參加有田燒工作坊（按此）。導師會以簡單說明教授日本傳統瓷器繪制方式，燒製後完成嘅作品會係高貴亮麗嘅藍色配白色瓷，工作坊可選擇繪制瓷磚或擺設，瓷磚為實際可用於牆面之瓷磚，可在家中嘅牆上貼上一塊親手繪制嘅瓷磚，增添個人特色。

對版畫藝術感興趣的話，可以參加版畫藝術工作坊（按此），直至了解版畫嘅歷史和精髓，並親自動手實驗，通過巧妙構圖，利用木、石等材質為版面盡情釋放嘅藝術細胞，雕刻並印刷出獨特嘅文藝作品。

仲有參加香水製作（按此）、玻璃飾物製作（按此）、樹脂流體藝術（按此）及篆刻（按此）等，既可學一門新知識，又可與朋友一起消磨時間。

作者：Laurie Wu（愛保健愛旅遊愛購物的熟女）

[email protected]