樂●活｜期間限定的魅力

啱啱接到公關朋友告知，積極與不同卡通、動漫合作，推出周邊產品及茶飲嘅1011 SIPTEA又有新搞作，今次嘅主角係來自芬蘭嘅姆明。

即日起至6月29日期間，灣仔利東街嘅旗艦店會化身成芬蘭姆明谷，準備了多個打卡位及一系列自家設計的精美可愛周邊畀大家配上消暑嘅茶飲，獲得片刻寧靜與寫意。

為迎接初夏，1011 SIPTEA特別挑選皇牌、可清熱解暑嘅蕎麥冬瓜茶作為是次期間限定店嘅主題茶飲，且更首次推出罐裝款式，設計出一套四款、以經典角色：姆明、史力奇、阿美為設計主軸，並配上芬蘭夜空及粉色作主色嘅全新罐裝蕎麥冬瓜茶，既可愛又撫慰人心，具珍藏價值。另外，仲有附姆明角色蛋糕包裝嘅人氣芝士蛋糕。

與此同時，更推出多重優惠，讓各位飲得盡情之餘亦買得盡興，凡購買全新罐裝蕎麥冬瓜茶即隨機贈送經典姆明小拼圖；凡於1011 SIPTEA利東街旗艦店消費滿$150，即送姆明PVC飲品提袋；以優惠價$80點選人氣芝士蛋糕＋全新罐裝蕎麥冬瓜茶，即隨機贈送經典姆明小拼圖。

至於由1011 SIPTEA自家設計四大系列姆明周邊更加係粉絲不可錯過！當中包括黑白姆明漁夫帽、純白色姆明T-Shirt、型格黑色阿美T-Shirt、多用途阿美帆布袋、姆明毛氈、姆明便攜式折疊椅、多用途不銹鋼飲品杯、多用途姆明小木盒等。

另外，麒麟一番搾就趁着「一番一會」嘅賞櫻期限幫大家將充滿日本風情嘅櫻花美景帶進居家生活中，再度推出限量和式禮品。今次推出期間限定嘅「麒麟一番搾・櫻花陶瓷焗盤連蓋」，焗盤就用上以淡雅粉色為主調，以漫天飄逸嘅櫻花作點綴，散發出浪漫嘅春夏氣息，焗盤兩邊採雙耳設計，牢固易握，使用時更輕鬆防止鬆脫；同時附上別具質感的粉色盤蓋，美觀又實用，清新簡潔。由6月8日至6月21日期間，凡於7-11便利店購買任何麒麟啤酒產品滿$45或以上，加$19即可換購，數量有限，換完為止，記得把握時間！

作者：Laurie Wu（愛保健愛旅遊愛購物的熟女）

[email protected]