樂●活｜客製化專屬驚喜

每次收到一啲刻咗名或者一啲獨一無二，一看就知係對方為自己準備嘅禮物都會特別開心。

愈來愈多人去街都會自備水樽，而家仲可以為自己或朋友準備一個刻有名字嘅專屬水樽。快圖美聯乘美國第一水樽品牌 Hydro Flask獨家推出聖誕限定版水樽系列，仲提供客製化刻字。曾獲得德國紅點設計大獎嘅Hydro Flask兼具保溫保冷雙效果，因其採用TempShield雙層真空結構，可隔絕外界溫度影響，實現保暖12小時、保冷24小時，內瓶身選用18/8專業食品級不鏽鋼製成，不易殘留汙垢與異味。聖誕特別版Hydro Flask水樽系列由快圖美自主設計，提供兩款經典杯型，以清新簡約的聖誕元素打造6款別緻時尚外觀。

其中清新碎花標準瓶系列，以白色標準瓶身印上節日碎花圖案，清新典雅質感，18安士標準瓶精緻輕盈，方便收納於小肩包、背包側袋或汽車杯架中。至於16安士的冬日咖啡瓶系列，瓶身特別選用Tiffany Blue， 點綴充滿冬日氛圍的雪花、聖誕鹿及各式聖誕圖案，洋溢歡樂節日氣氛，而冬日咖啡瓶更適用於大多數咖啡沖泡系統，方便大家用來盛載暖笠笠咖啡。大家可於快圖美官方網站訂製個人化Hydro Flask聖誕特別版， 印上專屬姓名或文字設計。

除咗水樽，本地品牌Macarooon亦有唔少專門製作山羊皮Apple周邊產品，仲可以免費燙金刻字，加上最適合節日的24種快樂色彩及快速出貨，每件都係獨一無二、充滿創意。Macarooon新推出嘅iPhone 13電話殼以頂級意大利山羊皮製作，除咗輕巧及耐用，更因應新iPhone 13嘅新設計作出升級改動。由於新系列iPhone的鏡頭比以往型號更高，所以特別喺手機殼上加上淡金色金屬鏡頭邊框；即使鏡頭往下平放，稍高的邊框亦能保護鏡頭，配上同色按鈕，並於機殼內按鈕相同位置設超細纖維，令機身按鈕得到保護，也令按鈕更易用。有別於巿面上大部分皮革iPhone手機殼，Macarooon以皮革包邊製作而非塗上皮革邊油，令手機殼更耐用，新系列手機殼更升級至全面包覆電話四邊，全面保護iPhone。     

至於Macarooon提供嘅免費燙金刻字服務，讓大家可以喺設計簡約嘅iPhone護殼上發揮創意，燙刻姓名、字句或日期，製作出別具意義的禮物，也讓人隨時記起特別時刻。除了可自選五種字型及刻字內容之外，更提供廿四色山羊皮選擇，由經典百搭嘅黑、白、灰基礎色，中性色如墨綠、深藍，更有淺灰藍、甜美的粉紅和湖水綠等粉彩色。

除咗iPhone護殼，更有以頂級山羊皮製作嘅Apple Watch皮革錶帶，不但比一般牛皮錶帶柔軟而耐刮，錶帶襯裡亦以全皮革製作，令錶帶加倍耐用，同時亦帶來奪目的拼色效果，Macarooon提供廿四色選擇，而耐用嘅不銹鋼金屬配件亦有銀、黑、金及玫瑰金四色可選，可配合不同Apple Watch錶身的顏色。

就算朋友唔喺「果粉」一樣有適合所有支援Qi無線充電的無線充電盤，和品牌所有其他產品一樣，充電盤都以24色頂級山羊皮製作，因此除了充電這個實用功能之外，也能裝飾空間，令人可以不同色彩點綴桌面。皮革上可燙刻上姓名，製作獨一無二的充電盤。Macarooon還有售Airpods保護套、卡片套及銀包等皮具。聖誕新年期間，Macarooon官網Macarooon.com 更提供節日優惠套裝，凡購買兩件產品，都可享85折優惠。

提提大家，提供多款聖誕禮物提案，由爆笑新奇玩意、護膚套裝、高級創新電子產品、香薰擺設、卡通精品等都一應俱全嘅LOG-ON，除有唔少獨家發售最新產品，大家更可在禮品嘅裝飾及包裝為心意加分，加入獨一無二嘅個人化細節。LOG-ON將「升級版」一站式個人化禮物專區Manual Factory服務帶到全新的海港城分店，為收禮者帶來更大的佳節祝福與驚喜。

作者：Laurie Wu（愛保健愛旅遊愛購物的熟女）
[email protected]