【阿碌開咪】排片專家唔使你教

曾幾何時，小弟也是公職人員，當時自然擁有「公權」。故此，絕對知道一個公職人員行使公權時的心態，尤其是在大庭廣眾挑戰時，為控制情況，必須先要食住對方氣燄。因若當你權威盡失在當場，即火速出現「傳染性」，旁觀者紛紛會加入說三道四，齊齊起哄，令場面大混亂。

所以，你話公職人員要維持尊嚴好，要控制場面，以便盡快順利完成任務好，必定不會在事發現場與公眾爭拗如何執行任務，只會盡快以「阿Sir做野唔使你教」的權威態度，先壓下任何萌芽亂象。

這種心態，不但紀律部隊（警隊、消防、懲教、海關、入境處、廉記……）有，連其他的職系，需要時，都以此先行，包括醫生、護士、律師，以至屋宇署、建築署、路政署、食環署、控煙辦……的公職人員，全皆如此。故此，一般人若不懂得在適當時候「適當」地遵從權威，蝕底的永遠是自己。尤其身處外地，更加切勿胡亂挑戰公職人員。

我咁講，是否等於「奴隸心態」？當然唔係！而係先要「好漢不吃眼前虧」。待事件過後，若被不公平對待，又或證據確鑿有公職人員濫權時，才依正渠道慢慢同佢「玩」，取回公道可也。

講到權威，處處皆是，行行皆有，不獨公職人員如此。

舉例，院商排片，也是一項權威！可以按個人判斷，也可以按市場規律。

本來電影乃商品，有乜可能唔純按市場規律喎？錯！間中可能有「政治判斷」也者（大家心照）！

個人判斷方面，照計排片乃專業行為，專家好少甩轆者。原來唔係！最近有一套，肯定片商排錯！正是《爸爸可否不要老》。評論及討論鋪天蓋地，票房愈走愈勁，單以上周四論，七家戲院仔放映，票房遠遠跑贏近五十家戲院放映的《總是有愛在隔離》， 呢個是否專業判斷失誤呢？

點解會失誤？奧斯卡大片竟擺明冷待。這次是否又中「阿Sir做野唔使你教」？

曾智華 

阿碌開咪