【阿碌開咪】一於擴闊博彩稅

香港於中國的定位係乜？若你有機會接觸南來的「大內密探」，必定明白，正是——中國金融大賭場，角色非常清楚。

有咗清晰政策就易搞了。消閒賭博，澳門負責；科技中心，深圳擔當，其他製造業，由大灣區較偏僻城市孭起，各有分工。其實香港從來都是中國金融中心，擁有的獨家條件，相信再解釋都多餘，未來二十年，內地仍冇其他城市可以取代，深圳、上海？No Way！

問題在如此集中專攻一項，本土年輕人未來出路及大學教育配合，就要費煞思量了。其實說穿了，好聽，叫金融中心，直接講，就是金融大賭場。中國一定要吸盡全球「賭本」，再輸入內地，令所有行業有足夠「營養」發展。

這就解釋到，定位後，春江鴨狂吸港交所股票，炒到沖天飛，因獨家做莊也。現實如此，大家就要調整心態，毋須欲拒還迎，總之合法的「賭」，可開盡開，大力抽水，轉入庫房，再搞公共建設，尤其大建公屋。

其中一項，行政會議成員葉劉淑儀近日大力提倡，正是盡量擴闊博彩稅稅基。小弟與葉劉好多政見看法不同，但倒欣賞佢有嗰句講嗰句，絕不惺惺作態風格。

「香港可以賭馬、賭足球，咁點解唔可以賭籃球、賽車、美式足球、欖球……唔好自己呃自己啦。事實上，外國博彩公司，尤其英國，全部有開！本地冇得賭？香港人咪通過網上到外國集團落注囉。更甚，在香港買及開外圍！」

這方面，大家毋須扮鴕鳥，馬會掌握咁多資料，總裁應家栢早已多番公開陳述。

將非法賭博納入合法範圍規管、抽稅，將錢用在公共建設及善事上，這是香港獨有的強項，馬會優則為之，根本一撳掣就可埋位，即有「大水塘」。庫房因疫情水乾？開源可也，Easy。

講番明日賽事，國際三級賽，跑千八米，讓磅。告仔出三隻，佢揸莊。「馬克羅斯」一季只贏一場，今次抽一檔，分分鐘一放絕塵去！

曾智華

阿碌開咪