「35+」失控抗爭派誓攬炒無差別否決財案

（星島日報報道）「35+」初選案續審，趙家賢昨日於西九龍法院憶述兩辦發文抨擊初選後「件事已經由本地政治層面提升到國家層面」，戴耀廷「希望將大家踩到紅拉返出來嘅時候，佢哋（本土抗爭派）仲清楚講明我而家喺紅裏面」，召開記者會指要否決議案財案，引發國際制裁中央。趙遂認為「整件事情完全地失控」故發文退出，「唔能夠DQ佢哋嘅話，惟有喺呢個時間DQ自己」。
趙家賢憶述2020年7月14日曾與區諾軒通電話，當時有建制派傳媒報道中央駐港機構等大肆抨擊初選指涉嫌違反《香港國安法》，區聯絡了時任政制及內地事務局政治助理後，建議停止初選。趙問到「初選已經做咗出來投咗票，我哋有咩補救措施可以做呢？」區回覆指，惟有自己作為主辦機構、民主動力作為承辦機構，「我哋自行解散」。區交代自己將於翌早宣布退出，趙則指民主動力其後也會一同退出。趙指由此可見「件事已經由本地政治層面提升到國家層面」。
指抗爭派自行召開記者會

趙解釋當時亦曾與戴通電話，戴認為根據普通法「法例訂立係根據material date（案發日期），冇得追溯嘅，喺佢角度唔覺得佢文章有咩問題，因為冇追溯力」，《香港國安法》7月1日才生效。趙續指然而生效後「35+」計畫參與者言行會對計畫有所影響，戴耀廷認為「有啲候選人言論可能已經過咗界」，7月14日遂向各初選參與者發出訊息，「除咗係統一口徑之外，佢希望將初選拉返唔好踩到呢個紅」。

趙憶述7月15日抗爭派記者會事前自己未接獲通知，「縱使收到戴耀廷訊息，佢哋都喺冇同我哋大會溝通嘅時候，自行召集抗爭派記者會。記者會發言不單止無視戴耀廷統一口徑嘅表述，更表示當選後會堅持「議會攬炒」路，「無差別」否決財案。趙形容當時的情況是完全失控。

法庭下午播放抗爭派立會參選人記者會片段，會中開場宣讀的抗爭派聲明書，明言本土抗爭派已成為主流聲音，將團結民主派「迎擊北京政權」，並會「堅決反對《香港國安法》」。多名出席的抗爭派人士表明，不會與政府作任何妥協，抗爭是唯一出路；並多次提到國際高度關注「35+初選」，相信若政府DQ參選人，外國政府必會加大制裁中央及特區官員的力度。趙認為抗爭派人士的主張，已明顯有違《基本法》及《香港國安法》，因此加強他要盡快宣布退出「初選」工作的決心。
「抗爭派言論絕對係踩界」

趙批評記者會中公開發言指要否決所有議案財案，引發國際制裁，「呢個絕對不合乎擁護《基本法》效忠香港特別行政區」。趙續指「咁當然我哋初選係一個民間選舉，我唔係好似選委會主席同法官咁有個實權，再加上我只係服務提供者，唔能夠DQ佢哋嘅話，惟有喺呢個時間DQ自己。因為本土抗爭派言論，喺我角度絕對係同《國安法》踩界」。

退出前夕趙曾發文指「會謹守崗位，堅持合法實務工作」，《香港國安法》指定法官李運騰問及何以取態突變？趙交代與區通電話時共識為區退出後，趙打算處理行政事宜觀望多數天再視乎情況退出，而「我思維好特別嘅轉變就係7月15日喺完全冇認知冇提示底下本土抗爭派開記者會。」

趙指，當時已經完全失控，而「佢哋重要以初選勝出者好講明以貫徹戴耀廷共識繼續行落去」，自己因為為對組織及同事負責任，故「當時好清楚要退出初選之後工作，畀公眾傳媒好清楚認知係一個切割」，7月16日於Facebook發出退出參與協調工作聲明。案件編號：HCCC69/2022