老公萧正楠攞自己衫着　黄翠如晒恩爱式公开申诉

黄翠如同萧正楠结婚后，真系keep住喺sweet状态，上次翠如同连诗雅做《头条》访问，连诗雅都话好羡慕佢哋两公婆可以仲好有热恋feel。呢日佢哋又喺社交平台晒恩爱，翠如放咗张阿萧着住件粉红色T嘅相，仲留言：「点解，佢可以咁自在地，在我衣柜拣了一件衫，就著上身出门。连我的粉红色衫，都唔放过……」睇见翠如呢个晒恩爱式申诉，一班圈中老友纷纷畀反应，陈自瑶：「最神奇系佢啱着」、杨潮凯：「竟然啱著」、杨秀惠：「你下次放d吊带背心在衣柜，然后你建议佢下次可以随时去攞来著」，而翠如都有解释番阿萧啱着因为件tee系oversize嘅。不过佢哋成日咁样晒恩爱，真系唔怕大家甜到漏喎！