搭格仔屋拍MV Nowhere Boys反映住屋苦况

乐队Nowhere Boys最近首次为电视剧《地产仔》写主题曲《That’s Why》，MV除了有他们一贯的西部牛仔曲风之外，更特别在工厂大厦平台搭了一间100尺正方型木屋，内里分成5格，5位成员一人一格，以突显香港人的住屋苦况。
至于带同爱犬来拍摄的主音歌手Van解释谓：「歌词入面有一句『连做狗间屋都比我大』，就因为呢句歌词，畀到导演灵感，想真系搵只狗嚟做到呢个对比，所以就搵嚟我嘅乖女Poochie（法国斗牛犬）客串演出。其实佢嘅演出经验都几丰富，拍过广告做过女主角，今次佢嗰场戏要困住佢一个喺间木屋入面，但佢完全唔惊，仲跟足导演指示交足戏，要佢转圈就转圈，要佢摊地就摊地，乖过平时喺屋企。」
提到香港住屋问题，鼓手Nate说：「我初初返香港嗰几年，住嘅地方都唔大过呢间木屋几多，所以好明白住喺度嘅感受。」Van特别提醒：「Ending我哋要5个人一齐入去，各自在自己一格，用手脚同道具乐器拆咗间屋，大家一定要仔细欣赏我哋5个『寮仔部』大汉点样清拆违例木屋啦。」