训练仔女做车手　张继聪傍实囡囡「龟速」兜风

张继聪（阿聪）最近迷上玩复古电单车，早前还相约森美、张振朗等去游车河，昨晚他于IG贴出一条短片，并留言：「Little bikers. 慢得嚟有速度感，安全得嚟车手表示有感觉。爸爸表示好开心，同埋行到成身汗 #litterbikes #vespa」由于疫情爆发冇得周围去，所以阿聪近日买咗两架儿童电单车，趁夜晚冇乜人就喺屋苑内，同一对宝贝仔女张瞻（James）和张靖（Karina）进行「车手」训练。片中，两子女都戴上口罩和头盔，在小路上以「龟速」慢驶，阿聪更一直于细女车后尾随傍到实，非常小心，难怪他都表示行到流晒汗！

今日阿聪又自嘲化身「龙友」，并贴出James与Karina驾着电单车「风驰电掣」的英姿，估唔到3岁的Karina人仔细细咁勇敢、揸得咁稳定，连一众网民都大赞又Cute又有型！另一老窦、Dear Jane主音Tim（黄天翱）也留言邀约：「Tanya（两岁多女儿黄子霏）都有架 #虾李Daviddaughter。搵日游车河。」看来可以嚟一场「星级BB」大赛喎！