【独家】连诗雅视为结婚人版 黄翠如庆幸搵到超夹萧正楠

黄翠如和连诗雅（Shiga）首度合作剧集《那些我爱过的人》，剧中分别饰演姊妹「方乐汶」和「方书文」，令本身是独女的Shiga终感受有家姐滋味，而翠如亦似多了个妹妹，由于两人太投入，拍嗌交戏会劲心痛。讲到婚姻，翠如自觉幸运搵到超夹老公萧正楠，而最近跟陈家乐传绯闻的Shiga，就好羡慕他们婚后仍如拍拖甜蜜，更视为结婚人版，不过她坦言未准备好做人妻。撰文：杜淑霞 摄影：李维隆 服装：Talulah、Runway Workshop(黄翠如)、Runwayworkshop(连诗雅)

翠如和Shiga剧中有不少嗌交戏，两人好易投入，而拍时或者拍完都会嗱住嗱住好心痛，因两人用的是真感情。翠如说：「佢系个好放手嘅演员，可能因为佢拍剧经验比较少，咁我作为家姐，我哋一齐经历嘅嘢，佢好自然放心俾我带住演，所以只要我真心交戏畀佢，佢一定会好真心畀番我，我好开心有个以咁放手嘅对手，观众应该会感受我哋之间嘅姊妹关系好真实。」

拍摄时已升呢做人妻的翠如，角色令她重新审视跟萧正楠（Edwin）关系，庆幸遇到个超夹老公，「我好好彩，我同Edwin价值观，性格同好多谂法太似啦！（睇你哋ig好似睇紧一个人咁）佢抄我啫！（连：幽默都好似）幽默感系我学佢嘅！（连：反而呀！）系呀，我哋两个相对哋佢系阳光嗰派，佢积极乐观过我好多，呢方面我受佢影响得好厉害，所以大家互相同步一齐行，好庆幸大家好似，我哋步伐好似。」




Shiga看到翠如的幸福，羡慕之馀亦大讲拣老公要求，「我成日听到好多人因为习惯而结婚，或者已经觉得系理所当然，但系我每一次听佢哋（翠如和Edwin）讲佢哋嘅爱情呢，感受到佢哋仲系好爱，佢哋sweet系从心底，所以我识咗佢哋觉得婚姻仲更加难罗！呢啲嘢可能你哋唔觉，但系旁观者听你哋讲对方嘅时候，有啲嘢遮唔到同扮唔到，心底里锺意对方，所以真系好难得有个咁嘅对象，你哋标准太高啦！所以三观相似好重要。」不过Shiga强调仲未准备好做人妻。