【独家】不介意情侣档再合作 刘俊谦蔡思韵只怕观众看厌

刘俊谦和蔡思韵主演的电影《幻爱》，由于疫情等因素映期一改再改，现等到上映，他们笑言是训练耐性机会。对于该片令两人得到或提名不少奖项，他们都觉得是很大鼓励，不过得奖时一度怀疑自己实力。两人因拍该片而发展成情侣，他们都不抗拒再合作，只怕被外界定型或令观众看厌，所以未来只想挑战自己，尝试更多不同角色。撰文：杜淑霞 摄影：张咏森 发型：upuschui@orient4(蔡思韵)、Nick Lam @ Orient4.com.hk(刘俊谦) 化妆：Shuen Kong@WiLL Wong(蔡思韵)、Carmen Chung@carmencmakeup_hair(刘俊谦) 服饰：Point de Depart、 Celine(蔡思韵)、Initial(刘俊谦) 场地：R ONE Space 御一空间

电影一再延期上映，作为主角刘俊谦和蔡思韵感受当然特别大，刘俊谦说：「好需要耐性，哈哈！其实好想知feedback点，呢套叫做我哋第一套香港电影，好期待观众睇完觉得点。」蔡思钧亦认同，「套戏入围同攞咗啲奖项，好多人以为套戏上咗，原来仲未上，可能都系件好事，加强咗大家嘅期待，希望可以多啲人睇到。」

凭《幻爱》两人得到不少提名外，刘俊谦更夺得「电影评论学会—最佳男演员」及「导演会—最佳新演员」；而蔡思韵就得到「电影评论学会—最佳女演员」，他们觉得兴奋之馀，反而对自己有更多怀疑。蔡思钧说：「知得奖后我瞓唔着，系咁质疑自己，我问佢（刘俊谦）我真系咁好咩？可以得到呢个奖，系咁自我怀疑。」得奖前，其实刘俊谦已凭ViuTV剧集《教束》夺得网上投票民间视帝，但他认为相对于奖项，观众的反应更重要，「好多人睇完《教束》，甚至教师睇完会觉得我哋好似帮咗佢哋讲说话，呢份满足感系大过攞奖。」




两人因拍《幻爱》变成真情侣，对于再情侣档合作，他们持开放态度，蔡思韵说：「好希望畀观众睇到我哋系独立个体，而且觉得我哋唔一定要一齐，有时分开吓系好嘅，但我哋唔会排除再一齐，始终我哋有种默契，对我哋工作系好有帮助，反而惊观众睇得我哋太多睇到厌，所以我哋唔应该成日一齐工作。」