【头条独家】表姐夫甄子丹拍戏要求好严格湛琪清多谢老公陪读对白

2020-01-29 21:00

汪诗诗表妹湛琪清（Jessica）获表姐夫甄子丹(Donnie)钦点演贺岁片《肥龙过江》，片中饰演翻译员的她戏份都唔少，而角色跟她一样，广东话都系好渣，所以特别入戏。Jessica指表姐夫对她要求好严格，真系连亲戚都冇情讲：「佢push我好多，觉得我做得唔够好，会要求我做多次，对我好严格。」采访：方骞平服装：PortsPure 场地：九龙香格里拉酒店Angelini

湛琪清自《八星抱喜》及《吉星高照2015》后已有6年冇拍港产片，今次被Donnie哥哥提携，觉得角色最啱她演：「所以更加落力，尤其因为广东话太差，要将对白拼音，理解同消化，好彩当时男朋友，即现任老公金承威（Kenneth）好好，无论三更半夜，定系工作中，每次攞到剧本就即时打畀佢求助，佢会好用心咁将每句对白读畀我听，同我练习，逐句嚟更正我发音，坦白讲，佢呢个行为系成功打动到我，感受到佢系嫁得过嘅good guy！」原来当时Kenneth准备向Jessica求婚，不过，知道她开工时会好紧张，最后等咗一星期先行动。

老公包场撑到底
《肥龙过江》是两年前的作品，Jessica结婚差唔多一周年，「今次老爷、奶奶、老公、叔仔都会嚟捧场睇首映，虽然好开心，但有压力，因为第一次同佢哋睇我作品。老公仲打算之后包场，请埋家人、朋友再睇，佢话想支持我同埋支持套戏喎，老公知道我好爱演戏，佢会全力支持，唯独唔太想我拍亲热戏。哈！佢好锡我，仲爱屋及乌支持埋我亲人，之前拉队睇咗两次《叶问4》。」Jessica又指Donnie哥哥好勤力，对她要求好严格：「呢样我好like，有咁大机会，我都想做好啲，唔想冇面啦。」