【好开心呀】凭《堕落花》夺影后 温碧霞多谢老公永远支持

由温碧霞（Irene）主演的电影《堕落花》屡获佳绩，除早前获得越南「The Best Movie Icon」奖、又入围今届香港亚洲电影节「隆重呈献」环节及澳洲「第十届金拉考国际华语电影节」，好消息陆续有来，刚于「第八届丝绸之路国际电影节」中，Irene获得「最佳女主角」奖。

Irene表示电影入围多个影展已经好开心，因为代表大家都喜欢这部电影，是一个很大的鼓励。对于获得「最佳女主角」奖，身处峇里岛的Irene超开心，「不过有啲可惜，因为咁啱我约咗屋企人渡假，所以冇去到呢个影展、冇亲手攞奖。好多谢杨生（英皇集团主席杨受成博士）畀机会我去拍呢部戏。」她指自从加入英皇后，觉得很Warm，整个英皇团队都好锡佢，「杨生、Shirley、Mani（霍汶希）、经理人，有佢哋我先可以拎到呢个奖。同时亦好戥整个剧组开心，仲要多谢导演、监制。」除了老板及团队，Irene表示有一个人一定要多谢，「就系我丈夫，因为一直以嚟佢真系好支持我嘅演艺事业，系佢话畀我听『你得㗎！』所以我先至咁坚持去做自己，我一定要多谢佢，佢一路喺我身边Support我好多。」

另外，问到角逐今年香港电影金像奖最佳女主角一奖的信心时？Irene透露有信心，但一切随缘，「而家攞咗呢个『丝绸之路国际电影节最佳女主角』，对我嚟讲已经系一个好大好大嘅支持同鼓励。金像奖方面，而家嘅心情都系随缘，所有嘢交畀上天，好多嘢上天会有安排，唔需要太介意得奖与否，咁样先至会更加开心，用一种好随缘嘅心态去睇奖项，当你攞到嘅时候就会双倍嘅开心。」