【头条独家】动作演员口饭唔易食 毛舜筠张继聪认冇本事赚

毛舜筠和张继聪有份演出贺岁片《肥龙过江》，虽然今次同甄子丹合作，两人都笑言做较轻松的角色，就是负责搞笑，毛姐仲自爆自己冇可能食动作演员这行饭，一个简单跌低动作都搞唔掂；阿聪亦好佩服动作片演员同武师，绝对是搵命搏。讲到新年愿望，两人只想身体健康，因有健康身体才可以做锺意做的事。撰文：杜淑霞 摄影：李维隆 发型：Domanic Tao(毛舜筠)、Jobbylee@Leighton Aveda(张继聪)化妆：Jane Lin(毛舜筠)、PinkyKu(张继聪) 服装：Marella(毛舜筠)、Brunello Cucinelli(张继聪) 场地：富荟旺角酒店

戏中毛姐和阿聪分别饰演火锅店老板娘和警察高层黄Sir，对于首度跟王晶做一对，毛姐笑言：「有几多一个镜头好长嘅戏，我哋电视台出身，反而觉得好过瘾，但系子丹会提晶哥，『你阵间醒定啲唔好甩，你对手系毛姐。』不过其实个剧本晶哥有份写，点会唔熟㗎！」

最佳投资
讲到同甄子丹合作不用打，阿聪睇见对方拍都觉得好震撼，「我哋开头有场大型飞车追逐戏，我睇佢哋打，真系见识到点拍动作戏，现场睇仲震撼，几开心，普通人觉得会死㗎喎！佢哋好似食生菜咁，仲会嫌唔够劲，真系好拼搏，所以香港动作电影咁出名。」毛姐亦认同，更自爆完全食唔到呢口饭，「每次要我讲完对白，掂一掂我跌落地，就算跌嗰个范围好大垫晒嘢，但我好叻，永远飞咗出界搞到伤晒。」

谈到新年愿望，阿聪只望身体健康，可以好好陪住小朋友成长。毛姐更以过来人身份认为假期陪子女时间是最佳投资，永远唔会蚀，「我个大女都24岁，问返佢边个假期最锺意，个个都话锺意，原来对佢哋成长系咁重要，依家我哋系收成期，佢哋安排返旅行啲嘢。」