【头条独家】《50年》一舞捧红妈咪 黄建东望鼠年拍住搵真银

黄建东早前带埋靓靓妈咪黄叶慧茵上《流行经典50年》，拍住大跳拉丁舞，他就自弹自唱，呢段表演在网上获得超过35万点击率。这对网红母子档趁新年为《头条》读者再献技，阿东直言妈咪已红过他，更笑言鼠年索性做经理人力捧妈咪，希望鼠年拍住搵真银；不过黄妈妈爱子深切反而想阿东鼠年减肥成功，有个健康体魄。

撰文：杜淑霞 摄影：李维隆
发型：Jackson Chui @ Hair Creator x IG Academy
化妆：Ada Pang
服装：Kir Royal、ROMAGO、Silver’N Grace
场地：Rico Tsoi Dance Centre

表演获得激赞，阿东首要多谢《流行经典》的团队，「监制同编审帮我一齐度个演出，仲坚持叫我唔好搞笑，要做个认真嘅表演，又要多谢排舞老师搵咗佢囝囝帮妈咪排练咗好耐。」不过黄妈妈笑住爆料，原来最初担心被阿东拖累，「都有啲㗎！佢都唔系跳系推我行喎！托起我猛话好重几惊佢跣手呀！（对佢冇信心？）几乎冇，哈哈！」

减肥出写真集
不过，阿东同黄妈妈都冇想过观众反应会咁好，阿东说：「冇谂过咁hit，有咁多点击率。（妈咪旺你？）系呀！个个都咁讲，平日日对夜对，原来佢咁靓，同埋冇谂过佢上镜咁镇定。」记者笑指黄妈妈更红，怎料黄妈妈真系话：「我有朋友咁讲，『你仲红过个仔』，当然系讲笑啫！」问黄妈妈会否入行，她就话一切听阿东安排，阿东即搞鬼话：「阿妈辛苦你，一把年纪先出道做新人。」

讲到鼠年愿望，阿东话希望母子档一路好，仲自爆真的有工作邀请他和妈咪母子档，「有个海味广告想搵我同妈咪拍，𠵱家倾紧。另外，我想自己出多啲歌，仲有演多啲不同角色。」问到黄妈妈鼠年愿望，她当然为囝囝着想，「身体健康，最大愿望系佢可以keep fit啦！接多啲job。」阿东都承认自己肥到爆晒标，「今年我要令觉得我瘦唔到嘅人跌眼镜，成功之后我要出本写真集。」