欧氏姊妹出写真月历 各出奇谋诱Fans险打大交

曾推出写真集的「欧氏姊妹」欧咏怡（WingWing）及欧咏宝（Yogurt）最近推出2020限量版写真月历，以《爱．每天》为主题向Fans「派爱」，WingWing又为每个月写下文字，分享不同日子的恋爱感觉。
WingWing拥有34D索爆身材，Yogurt则身型高佻有43寸长腿，写真内多个造型够煞食，满足男Fans幻想，包括泳池、内衣、校服及黑丝OL Look，Yogurt又身穿开胸毛毛衫揽公仔卖萌，WingWing则围上浴巾对镜拍照，喷血指数爆灯！

两女在镜头前状态十足，但其实有苦自己知，拍摄当日不敢吃正餐，只吃了两条朱古力棒及一粒糖。WingWing说：「平时都捱惯肚饿，一个礼拜可能净系一、两日食得饱，都唔敢太夜食嘢，要长期保持身形。」最惨的是WingWing该几天出现皮肤敏感，但因已定下档期，故坚持拍摄，更忍痛冒险落水，相当专业！她说：「 有个咁靓嘅酒店泳池，又有泳衣造型，有浸水泼水画面会靓好多，所以就算又痕又痛我都坚持落水，唯有快啲拍完快啲上番水，好彩最后都冇恶化到。」

WingWing表示在短时间内换了多个造型，拍摄效果满意，期间亦发生了一些趣事，虽然跟Yogurt已合作拍摄多次默契十足，但两人以「合卺交杯式」互相化妆时，亦差点「打大交」。WingWing说：「有个OL造型我哋帮对方化妆，一个揸唇膏一个拎眉笔，但因为要一齐望镜头或者借视线，睇唔到对方但又要掂到，结果争啲拮亲对方！（有冇嬲咗？）梗系冇啦！我哋好好感情！」
此外，今次姊妹另一成员欧咏珊（Janice）因到武当山学习气功无暇参与拍摄写真月历，不少Fans都期望三姊妹能再度合体。