炎夏穿冬裝拍打戲周身傷 姜皓文險中暑同紅姐鬥邊個暈先

姜皓文（黑仔）最近正密鑼緊鼓拍攝劇集《鐵探》，日前拍攝一場與惠英紅、陳志健的動作戲份，黑仔於炎夏穿上冬裝拍攝，事後都話差點中暑。他說：「冬天拍夏天戲，夏天拍冬天戲，經常都係咁，消暑良方就冇特別，係我個人習慣會沖定一壺檸檬水不斷飲，夏天最緊要補水！」
黑仔續謂：「無論幾熱都好，我著上了套戲服，盡量拍完才會除，除非有好多件在上面啦！要不然除了件戲服，舒服了一下，roll機再拍時又穿上，充滿汗水嘅衫會令個人更唔舒服，或者呢個係我嘅消暑良方。」
動作戲分難免受傷，黑仔話：「其實戲服好窄，拍攝少不免損手爛腳，我唔係太喜歡內加保護墊，當日回到家也有啲嚇親，盆骨、膝頭哥、腰間、頸、手掌係通通損晒，我都有啲嚇親！」

黑仔稱當日拍動作戲確實有點辛苦，因為他已經連續為電影《犯罪現場》拍了幾晚通宵，收到那朝的早班通告，到了現場又見到這樣惡劣，當日整個劇組人員也辛苦。他說：「朝早灑了一場雨，出太陽後更熱，劇情又是嗌交場面，有啲缺氧同暈，些少輕微中暑狀態，紅姐當日都有暈，我哋仲笑言睇下邊個暈先。」
自《翠絲》之後再和紅姐合作，黑仔話：「一如以往咁開心，今次紅姐演一個警務人員高官，同佢對手戲，畀到好多力量對手，好易投入，好享受。」